北島詩集

活在同一街燈下。
是否生活空間變得狹窄。
會令人變得心胸狹隘。
私人的生活，可以是活在虛擬的世界。
反世貿、反高鐵、反基建、反自由行……。
反對世界一切可以很容易。
反省卻是最難。
現實就是現在實在地生活。
重看北島的詩集。
回望小島的生活。
詩人的生活從來就不是私人的生活。
其實活在狹窄的空間。
也可以心胸廣闊。
「在四壁之內， 我靜觀無字的天空……。」
「卑鄙是卑鄙者的通行證， 高尚是高尚者的墓誌銘……。」
閱讀可以讓人翱翔天際，穿梭時空。
誠意推介《北島詩集》。

Photo by Denzel Leung

吉吉如也

吉即是空，空即是吉。
如果睇過張五常本《賣吉者言》。
就會明白「吉即是空，空即是吉」。
好有啟發性架，值得一看再看。
過年呢幾日得閒搵番啲舊書睇。
真係覺得時光飛逝，要好好珍惜時間。
話說回頭。
因為吉即是空，空即是吉。
所以吉即是吉，空即是空。
跟著搵本李天命睇下。
覺得李天命同楊天命講啲嘢都好似。
文字遊戲，係咁上下架啦。

桃花依舊

Photo by Denzel Leung

菲林攝影

如果Nikon F6停產，咁就真係一個時代終結。
我幾時都話，職業攝業師唔等如專業攝影師。
當然，乜嘢係專業，就係另外一個話題。
職業攝影師要面對老細要求，仲有市場競爭。
即係要所謂快、多、好，就係咁簡單。
總之個客肯收貨、比錢，就係咁簡單。
所以好多攝影師都轉用數碼。
反而一眾發燒友，佢地可以一於唔理咁多，總之鍾意就鍾意。
好堅持咁用菲林攝影。
就係追求色彩、層次、質感，就係咁簡單。
你同佢講PSU(Photoshop Utility)。
佢都會同你講PSU(Please ShutUp)。
聽講話當你份興趣變左份職業，最終就係會無左份興趣。
除非你唔使等份工開飯啦。

溫室以外

同好多地方比較，香港真係一個溫室。
溫室好舒服，好安樂，好自在，好正。
不過係溫室以外，我覺得可以好精彩。
如果對生活有一份熱情，零下二十度都會感覺溫暖。
當然，如果係溫室長大，自怨自艾就當係幾許風雨。
咁就另計啦。

Photo by Denzel Leung

享受年初一

當攝影唔係一份工作，攝影可以係一種享受。
過年如果唔使去拜年，年初一可以係好享受。
國內過年氣氛比較濃，行行企企都算係享受。
氣溫零下15度，更加好享受。

Nikon FM2
Nikkor 20mm f/2.8 AI
Kodak Etakchrome 100
Exp 1/30 F5.6

Photo by Denzel Leung

恭賀新禧

Photo by Denzel Leung

買海味辦年貨食飯

九龍城呢幾日真係可以用人山人海泥形容，買海味辦年貨，食團年飯……。總之都係啲開心野，行落街見到啲人個個都笑笑口咁，真係幾有過年氣氛。講開又講，如果要買嘢食，九龍城又真係幾多嘢賣。

渾吉過年如過日

混混亂亂又一年。
年年難過年年過。
渾渾吉吉過一年。
已經好幸福架啦。

擠迫都市

照而家趨勢咁睇，香港真係好快會有八百萬人口。
擠迫都市引發大大小小問題，無人可以獨善其身。
真係唔使話為左下一代著想咁偉大。
淨係搞得掂我地自己呢一代，已經好偉大。
應該係時候想下辦法。