曾經三三

一個人如果唔識處理孤獨，就唔會識得處理人際關係。

不管你信不信，反正我信了。

好耐之前盧雲神父有本書《始於寧謐處》講點樣處理自我存在的問題，講得好有觀點，雖然後來本書送咗比人，盧雲神父亦過咗身，不過佢留低的教導，就歷久彌新。本書係「基道出版社」出版，唔知而家仲有無得買。

盧雲神父過身之前，基道幫佢出咗本《黎明路上》係講另類價值觀問題，當年我幫呢本書做封面設計，轉眼十幾年。

呢張相攝於今年初夏，嗰時荷花仲未開，之後就一路影到殘荷。睇番轉頭，獨處其實可以係一種生活藝術。

話說回頭，一個人如果唔識享受獨處，就唔會識得享受熱鬧。

不管你信不信，反正我信了。

試吓生活始於寧謐處，應該是不錯的選擇。

曾經三二

習慣就係習慣，無得講，亦無得改。

只要唔影響其他人，習慣應該無好壞之分。

影咗幾個月荷花，最後揀咗36張，為呢個夏天留個紀念。

點解夏天要影荷花，純粹係習慣，無得講。

點解要揀36張，因為一筒菲林係36張，鍾意嗰種一張相辦36張的感覺，無得講。

但係習慣可以由冇變有，又由有變冇。

都係無得講。

曾經三一

呢張相送比我太太。

曾經三十

年尾流流最啱好友聚舊，不過有啲朋友係你想見佢，佢唔想見你；另外一啲係佢想見你，你唔想見佢。其實朋友呢樣嘢真係好講緣份，有來有往，緣起緣滅，強求就無謂啦。善哉、善哉。

曾經廿九

另一張「E沖C」照片。

呢個夏天周圍去影荷花，有用正片、負片、數碼、反射鏡、變焦鏡。

用不同媒體或者心情去記錄相同影像會有不一樣的感覺。

其實做人都應該係咁，眼界會擴闊好多。

然後生活會開心好多。

只用單一媒體去攝影，就好似只用單一思想同態度去生活。

然後生活真係會好乏味。

試吓唔同工作，過唔同生活，領略人生唔同意義，咁先至好玩。

講開又開，都應該係時候搵番份正正經經工作。

不過乜嘢工作先至算係正正經經，就真係要想清楚先好做。

浪費時間就無謂啦。

曾經廿八

 

久違了的柔焦效果。

理論上呢個世界無話邊個無咗乜嘢會唔得。

但係當一樣嘢真係無可取代，就真係無得講，亦無謂講。

例如HOYA柔焦鏡，應該算係一個時代經典，上一代攝影人必備架生之一。

另外仲有MINOLTA掃瞄器同測光錶，一樣係當年經典，不過停產好耐，無可取代。

不過話時話，呢個世界又真係無話邊個無咗邊個會唔得。

做人都係謙虛小小好。

曾經廿七

普普通通的一張照片，攝於一個普普通通的下午。

在一個凡事簡單複雜化的都市。

普普通通的生活可以是一種福氣。

但簡單或複雜的生活，其實只是個人選擇而已。

曾經廿六

正片負沖「E沖C」即係用C41藥水代替E6藥水沖正片菲林，色調分離效果鍾唔鍾意真係各花入各眼，無需太執著。反而支500mm Kenko反射鏡我就堅持影荷花必備。唔係必用，但係必備，呢樣值得執著。

曾經廿五

步入秋冬再看荷塘，是時間令照片有意思，或是照片令時間有意義。

花開花落，聚散離合，都是緣份在時間的原野漫步。

一張負片化作一張照片，就是影像在快門聚焦之間偶遇。

生活際遇亦不外如是。

曾經廿四

可能以前做攝影工作真係辛苦。

朝早七點做到夜晚十一點，真正係7-11。

好彩呢個世界有7-11便利店，先可以買到嘢食，買到嘢飲。

最高記錄試過一星期做足七日，半年未放過假，唔知為乜。

有幸而家唔使做嗰份工，可以過番啲正常生活。

今年夏天仲放左幾個月假，可以周圍影吓荷花。

有工做就儲吓錢，得閒就放吓假，想起今個夏天影呢張相嗰陣，真係幾開心。

生活應該係咁。

曾經廿三

正片負沖的效果有一種特別的吸引力。

曾經廿二

過去的終結就是重生的開始。

生生不息就是大自然的韻律。

曾經廿一

攝於半年前的一個下午。

曾經二十

 

北島寫詩好多人都知，北島攝影作品有冇見過。

北島原名趙振開，上個月在廣州紅磚廠的香港當代美術廣州分館搞咗個攝影展。

見識過詩人的光影世界，真係令人大開眼界。

仲有，如果你知道北島以前的背景同經歷，呢個攝影展就真係更值得欣賞。

個攝影展就叫「詩人北島的光影世界」。

荷花出於污泥而不染，今日望見呢張荷花，就想起北島。

曾經十九

今日去咗兆基創意書院睇九龍城書節，今年主題係「末日定未來」。睇見班八九十後好有心咁係度搞文化活動，覺得呢個城市應該仲未係末日，仲會有未來。

曾經十八

荷花落葉，一季將盡。

曾經十七

青蔥歲月的蓮蓬綠意盎然，展現大自然生命力。