由十一月六號開始

都話世事無常。
老友Denzel忽然話封鏡收筆唔寫blog，唔怪之佢尋日話「曲終人散後，剩下這個『平遙大戲堂』見證這段歷史。」
識佢咁耐知佢性格，都無問點解。

不過我問咗一句「你唔寫，不如個blog比我寫啦好唔好?」
「你鍾意咪寫囉，不過個blog無人睇架喎。」
「無人睇仲好，鍾意寫乜就寫乜。」
「咁你記得換咗我張相同個名就得啦。」
就係咁，我就接收左佢個blog。
我名叫「梁茶」。

不過話時話，第一次寫blog喎，寫咩好呢。
今日係十一月六日，區議會選舉，講區議會?
政治呢家野我唔識架喎，不過亦都無興趣。
淨係記得呢排行落街，成日都見到平日好少見個位議員行來行去。之前見佢目口目面，呢排就春風滿面咁款。
仲有一個唔知乜水，無端端空降呢區，又好熱情咁話會關心我地呢區發展。三唔識七就叫我支持你，又話係我地街坊好朋友。唉，有睇過「警訊」都唔會啋你啦。
唔通真係好似西人咁講「A friend in need, a friend indeed」。