曾經十六

季節過後的蓮蓬，只是一堆垃圾。

是定律或是宿命，已經不再重要。

在無聲的歲月裡，命運都是一樣。

意興之後的闌珊，就是生活結晶。

曾經十五

如果話比你知呢張相個題目叫「國教」你會有乜感覺。

係咪好親切呢。

曾經十四

所謂物以類聚。

所以乜嘢老細就會招惹一班乜嘢擦鞋仔。

今日得閒睇咗一陣「城市論壇」。
睇見而家呢班「政棍」，就知道佢地老細係乜嘢質素。

最近收到稅單，就想起大家要比錢養呢個「特區正苦」。

咁點解仲未有普選。

呢個就算唔係民主問題，都應該算係消費者權益問題。

比左錢喎，點解無得揀，又或者貨不對辦。

可唔可以去消費者委員會投訴。

曾經十三

幾個月前買左架數碼廣播收音機，收音效果真係唔錯，不過而家無嘢聽咯。睇見呢張相，就想起收音機個喇叭。可惜，可惜。

曾經十二

有時覺得「過氣」呢個字都幾有意思。

荷花過氣左都仲話有一種凄美。

人過氣左就叫做凄涼。

另外有一個字「人氣」又係幾有意思。

至於「人氣」幾時會「過氣」。

就真係要有自知之明啦。

曾經十一

其實「國民教育」唔恐怖，內容教乜嘢先係問題。

如果內容搞到千瘡百孔，咁教泥做乜。

我真係好懷疑今次呢單嘢個寫手或者俗稱「文棍」究竟對中國認識有幾深。

唔通真係時光倒流文革時期，要由「外行領導內行」咁話。

唔好啦掛。

曾經之十

好昂貴的地段，好便宜的文化。

去完銅鑼灣誠品感覺。



曾經之九

如果懂得欣賞。

錯綜複雜的背景，是交織著一種凄美。

命運可能就是這一回事。

曾經之八

八張照片用上同一色調，是一種體會。

下次換上另一種色調，又是另一種體會。

意由心生，只是殘荷仍舊是殘荷。

調子從來只是包裝，剩下的只是孤寂而已。

曾經之七

成立、住世、敗壞、空滅。

姿采不同色彩。

繽紛過後，洗盡鉛華可能更吸引。

成、住、敗、空，人生而已。

緣起緣滅，萬物皆空。

當下就是得著。

曾經之六

今日蘋果有段文講肥佬黎，好認同其中一句「失敗是人生的一個過程」。

不過唔知點解有啲人呢種過程特別多，又特別長。

唔通真係有人會好享受「苦難中的浪漫」呢回事咁過癮。

唔知呢張相有無呢種感覺呢。 

曾經之五

一百日前都仲好容光煥發，而家就搞成咁，都幾無奈。

我講荷花啫，唔係講個班乜野高官，唔好咁敏感。

所謂人無百日好，花無百日紅。

咁唔知一百日後又會點呢。

曾經之四

差不多三十年前，今村昌平拍左部電影《楢山節考》攞左「康城電影節金棕櫚獎」都算係經典。其中講老人點樣被遺棄的情節，真係令人嘆息，印象深刻。

看著殘荷，想著晚景。

今日香港老人福利政策又係點架呢可。

如果上一個三十年好似轉眼就過，咁下一個三十年會唔會轉眼就到。

孟子話「老吾老以及人之老」。

老人問題真係值得關心。

今時今日如果有人拍番部「特區現代版」楢山節考，都應該令人同樣嘆息。

曾經之三

人文教育、公民教育、國民教育，邊一樣比較重要，又或者有冇分先後次序，你話呢。

不過如果一個社會教到一班人搭車唔識排隊，去完洗手間唔識沖水，其他職業道德、社會秩序、禮貌就更加唔好講。

咁搞法講乜都冇用啦，到時我地下一代真係殘過殘荷。

做人都係講吓良知好喎。

曾經之二

小圈子選舉、各式政棍就位、洗腦教育開始、超級議會選舉、表演語言偽術......。

這個夏天一場鬧劇結束又一場鬧劇開始，看著沒完沒了的鬧劇，感覺熱鬧吧。

這個夏天正閒著，遊走各處荷塘，看著風光變化，可以參透人生。

人生苦短，可以帶走的不多，留一點良知結一點善緣應該可以吧。

曾經之一

 一次完結可以亦是一次開始。荷塘美態應該不限於盛夏，步入初秋又是另一種境界。欣賞的態度只在乎眼界的景深。