曾經廿四

可能以前做攝影工作真係辛苦。

朝早七點做到夜晚十一點，真正係7-11。

好彩呢個世界有7-11便利店，先可以買到嘢食，買到嘢飲。

最高記錄試過一星期做足七日，半年未放過假，唔知為乜。

有幸而家唔使做嗰份工，可以過番啲正常生活。

今年夏天仲放左幾個月假，可以周圍影吓荷花。

有工做就儲吓錢，得閒就放吓假，想起今個夏天影呢張相嗰陣，真係幾開心。

生活應該係咁。